سلة ولا شوبيفاي ولا إيزي أوردر ولا ووكومرس؟ تختار منصة متجر الكاش أون ديليفري إزاي (٢٠٢٦)

أغلب المقارنات بين المنصات مكتوبة من جوه الداشبورد: الثيمات والأبلكيشنز والاشتراك الشهري. أنا بشوف الناحية التانية. أنا اللي بدفع في الترافيك اللي بيدخل المتاجر دي، فاللي يهمني هو اللي بيحصل بين الكليك على الإعلان والأوردر اللي اتسلّم فعلاً.

عشان كده إجابتي بتتغير مع السوق أكتر بكتير ما بتتغير مع لستة المميزات.

سلة ولا شوبيفاي لمتجر في السعودية؟

لو أغلب بيعك جوه السعودية، سلة غالباً أقصر طريق: داشبورد عربي، ومدى وشركات الشحن المحلية جاهزة، وشيك آوت العميل السعودي متعود عليه. شوبيفاي بيدّيك مساحة أكبر لو بتبيع في أكتر من دولة في الخليج أو في مصر، أو محتاج طريقة أوردر سلة مش بتسمح بيها، زي فورم أوردر بالـCOD على البرودكت بيدج نفسها. في متجر سلة في السعودية بصيت عليه، نسبة الإضافة للسلة كانت ٠٫٤١٪، يعني تقريباً محدش بيضيف حاجة. دي كانت مشكلة متجر قبل ما تبقى مشكلة أدز، ونقله لشوبيفاي مكانش هيغيّر فيها حاجة.

فالسوق هو اللي بيقرر الأول. متاجر سلة اللي ببنيها بتبدأ من نفس شيت نقطة التعادل اللي بتبدأ منه متاجر شوبيفاي، وفي الاتنين بركّب بيكسل سناب وتيك توك وميتا وبجربهم بأوردرات حقيقية قبل أول ريال. سناب وتيك توك قنوات أساسية في السعودية، والإعلان اللي شغال على بيكسل مش شايف الأوردرات بيتعلم من الناس الغلط.

أعمل متجري على شوبيفاي ولا إيزي أوردر؟

لو بتبيع منتج واحد أو كام منتج بالـCOD في مصر، صفحة الأوردر الواحدة في إيزي أوردر ممكن تبقى هي المتجر كله، وبتفتح بسرعة. ولما الكتالوج يكبر عن كده، أغلب متاجري في مصر على شوبيفاي. وأياً كان اختيارك، البيكسل والـCAPI بيتجربوا بأوردرات حقيقية قبل أول إعلان، لأن الفرق بين عدد الأوردرات في الأدز مانجر وعددها في المتجر في مصر بيوصل كتير لـ٤٠٪.

وهنا أنا مختلف مع نصايح كتير. إيزي أوردر مش منصة مبتدئين تتكسف منها. في تيست منتج واحد هي طريقة رخيصة تعرف بيها العرض بيبيع أصلاً ولا لأ، وأنا بظبط ترتيب الصفحة والعرض والأبسيل على شيت نقطة التعادل زي ما بعمل على شوبيفاي بالظبط.

الغلطة اللي بتتكلف هي إنك تفضل عليها بعد ما الكتالوج يكبر على صفحة واحدة. ساعتها كل منتج جديد بيتخانق على مكان في صفحة معمولة لمنتج واحد، وده غالباً الوقت اللي بنقل فيه البراند لشوبيفاي.

شوبيفاي ولا ووكومرس؟

خليك على ووكومرس لو عندك موقع ووردبريس ومحتوى بيجيب زيارات من جوجل: المتجر بيبقى على نفس الدومين، فالزيارات دي تفضل شغالة لصالحك. اختار شوبيفاي لو المتجر جديد، أو لو موقع الووردبريس مش بيجيب زيارات بحث تُذكر والمتجر أغلب شغله على الترافيك المدفوع. ومن ناحية الأوردر الاتنين ممكن يمشوا بنفس الطريقة: قصيرة، ومعاها كونفيرميشن وبوابات دفع محلية وأحداث من السيرفر. في الخليج أوردرات كتير بتتدفع مقدماً، والـOffer Builder بتاعي بيحسب الأوردر المدفوع مقدماً على ديليفري ريت ٩٧٪ ورسوم بوابة ٢٫٥٪. والفرق ده بين المدفوع مقدماً والـCOD بيحرّك نقطة التعادل أكتر من المنصة نفسها.

A87 Fragrance، براند عطور نيش في الإمارات، عمل النقلة دي في أكتوبر ٢٠٢٦: من ووكومرس لمتجر شوبيفاي جديد اتبنى عن طريق ربحني. ٨ روايح بحجم ٨٥ مل و١٠ مل، عربي وإنجليزي، والأسعار بالدرهم، وتابي وStripe في الشيك آوت، وشحن بسعر ثابت في كل الإمارات. المتجر فتح يوم ٨ أكتوبر ٢٠٢٦، فلسه بدري على أرقام مبيعات، ومش هننشر أي رقم غير لما يبقى فيه أرقام حقيقية.

ينفع أنقل متجري لمنصة تانية من غير ما أخسر الترافيك؟

أيوه، لو كل لينك قديم اتعمله ريدايركت. المنتجات والكولكشنز والعملاء بيتنقلوا، وكل لينك اتستخدم في أدز أو بايو أو شات بيتوجه للصفحة الجديدة اللي تقابله، فمفيش حاجة دفعت عشان تروّجها هتوصل على صفحة ميتة. لما نقلت براند في مصر من إيزي أوردر لشوبيفاي كانوا ٣٠ ريدايركت. وداشبورد الربح اللايف، اللي بيتحدّث كل ٣٠ دقيقة، بيتربط بالمتجر الجديد قبل أول إعلان، فالأيام اللي بعد النقل بتتقري بالأوردرات اللي اتسلّمت مش بعدّ ميتا.

ونفس الكلام لو داخل على سلة أو خارج منها. من زد أو ووكومرس أو شوبيفاي، اللينكات القديمة بتتعمل ريدايركت، والبيكسلات بتتركب من جديد وتتجرب قبل أي إعلان.

وقبل ما تنقل أصلاً، اتأكد إن المنصة هي المشكلة. الأوديت المجاني بيديك ٣ أرقام في ٤٨ ساعة: أقصى تكلفة تقدر تدفعها في الأوردر، والـROAS بعد التسليم، وأكبر تسريب. وكتير التسريب بيبقى في البرودكت بيدج، وبيتنقل معاك لأي منصة جديدة.

فورم أوردر ولا كارت؟ أنهي أحسن لمتجر كاش أون ديليفري؟

في الـCOD، فورم أوردر قصير على البرودكت بيدج ممكن يكسب الكارت والشيك آوت. اللي بيحسم حجم السلة ونسبة الإلغاء عندك، لأن الفورم بيشيل خطوات بين الإعلان والأوردر، والأوردرات الزيادة مش بتكسّب غير لو عدّت من مكالمة الكونفيرميشن. في كتالوج اشتغلت عليه كانت نقطة التعادل ١٫٧٧ ROAS على الورق، وبقت ٢٫١١ لما الإلغاء اتحسب، وده قد إيه نسبة الإلغاء ممكن تقلب الإجابة.

لمتجر في العراق عملت الفورم جوه البرودكت بيدج نفسها، من غير صفحة شيك آوت في النص، والأوردر بيدخل شوبيفاي زي أي أوردر عادي. سلة مش بتسمح بالطريقة دي، وده من الأسباب اللي بتخليني أروح لشوبيفاي لما البراند محتاجها.

ولو العميل عندك غالباً بيشتري كذا منتج مع بعض، الكارت يستاهل مكانه: الفورم المعمول على منتج واحد بيصعّب إضافة التاني. احسب أرقامك في حاسبة نقطة التعادل للـCOD قبل ما تختار.

عمل متجر إلكتروني في مصر بيتكلف كام في ٢٠٢٦؟

دي أسعار الباقات بس، راجعتها يوم ١٧ أكتوبر ٢٠٢٦ على صفحة الأسعار بتاعة كل منصة، بالعملة اللي الصفحة عرضتها. شوبيفاي Basic بـ١٩ دولار في الشهر لو الدفع سنوي، أو ٢٧ دولار لو شهري. سلة بيسك مجانية، وسلة بلس بـ٩٩٠ ريال في السنة، والدفع السنوي عليه خصم ١٦٪. إيزي أوردر بياخد ٠٫٠٤ دولار على الأوردر من غير اشتراك، أو ١٠٠ دولار ثابتة في الشهر للي عنده أوردرات كتير. ووكومرس نفسه مجاني، وبتدفع في الهوستنج والإضافات.

شوبيفاي عرضلي أسعاره الأمريكي بالدولار، فافتح shopify.com/pricing من بلدك قبل ما تحسب، والباقيين على salla.com/plans وeasyorders.eg/pricing وwoocommerce.com/pricing.

الباقة أصغر بند في الحسبة. الأبلكيشنز والثيم المدفوع ورسوم الدفع والشحن بييجوا فوقها، وبيأثروا في نقطة التعادل أكتر بكتير من الاشتراك. وسعر بنا المتجر عندي مش مكتوب هنا: بقولهولك مكتوب بعد المعاينة المجانية للهوم بيدج وبرودكت بيدج واحدة.