أداة مجانية · من أدوات سيف جمعة
حاسبة نقطة التعادل للدفع عند الاستلام.
الـROAS اللي في مدير الإعلانات بيحسب الأوردر لحظة تسجيله، وإنت بتقبض لما الأوردر يتسلم. الحاسبة دي بتقولك أقصى تكلفة اكتساب تقدر تدفعها لكل أوردر مسجل بعد خصم تكلفة البضاعة والشحن ورسوم التحصيل والأوردرات اللي مابتوصلش.
السوق والعملة
الحساب بيفترض إن الأوردر المرفوض بيكلفك شحن الذهاب من غير إيراد. لو شركة الشحن بتحاسبك على العودة كمان، ضاعف قيمة الشحن.
النتيجة
أقصى تكلفة اكتساب لكل أوردر مسجل
393 جنيه
الـROAS الظاهر المطلوب للتعادل
2.55x
المساهمة لكل أوردر مستلم
550 جنيه
شحن ضايع على الأوردرات المرفوضة
20 جنيه
الأرقام دي شغالة. أي تكلفة اكتساب تحت الرقم ده بتربح.
المعادلة
الحساب بالكامل، خطوة خطوة.
- 01المساهمة لكل أوردر مستلم = سعر البيع، ناقص تكلفة البضاعة، ناقص الشحن، ناقص رسوم التحصيل.
- 02الشحن الضايع = تكلفة الشحن مضروبة في نسبة الأوردرات المرفوضة. الأوردر ده مابيرجعش صفر، بيرجع بالسالب.
- 03الربح لكل أوردر مسجل = المساهمة مضروبة في نسبة التسليم، ناقص الشحن الضايع. ده هو الحد الأقصى لتكلفة الاكتساب.
- 04الـROAS المطلوب = سعر البيع مقسوم على الربح لكل أوردر مسجل. أي رقم تحته معناه خسارة حتى لو مدير الإعلانات مبسوط.
مثال بالأرقام الافتراضية في الحاسبة: منتج بألف جنيه، تكلفته تلتمية وخمسين، شحن تمانين، رسوم تحصيل اتنين في المية، ونسبة تسليم خمسة وسبعين في المية. الحد الأقصى لتكلفة الاكتساب يطلع حوالي تلتمية وتلاتة وتسعين جنيه، والـROAS المطلوب حوالي ٢٫٥٥.
أسئلة شائعة
أسئلة عن الحساب نفسه.
إزاي أحسب نقطة التعادل في الكاش أون ديليفري؟
اطرح تكلفة البضاعة والشحن ورسوم التحصيل من سعر البيع عشان تطلع المساهمة لكل أوردر مستلم. اضرب الناتج في نسبة التسليم، واطرح تكلفة الشحن الضايعة على الأوردرات المرفوضة. الناتج هو أقصى تكلفة اكتساب تقدر تدفعها لكل أوردر مسجل.
ليه بحسب على الأوردر المسجل مش المستلم؟
لأن منصات الإعلانات بتحسب تكلفة الاكتساب على الأوردر لحظة تسجيله على الموقع. عشان تقدر تقارن رقمك برقم مدير الإعلانات مباشرة، لازم الحد الأقصى يكون على نفس الأساس.
الأوردر المرفوض بيكلف كام؟
بيكلف شحن الذهاب كامل من غير أي إيراد، وفي عقود كتير بيكلف رحلة العودة كمان. لو شركة الشحن بتحاسبك على الاتنين، ضاعف قيمة الشحن في الحاسبة.
نسبة التسليم الطبيعية في مصر كام؟
بين ستين وخمسة وتمانين في المية حسب الفئة والسعر وجودة المحتوى الإعلاني، والشائع حوالي خمسة وسبعين في المية. في الخليج النسبة أعلى، بين خمسة وتمانين وتسعين. المنتج اللي نسبته تحت الستين في المية باستمرار محتاج يتوقف مش يتحسن.
