صانع العروض.
أغلب أصحاب المتاجر بيختاروا العرض بالإحساس، وبعدين بيسألوا ليه الإعلانات مش شغالة. الأداة دي بتاخد أرقام منتجك وبتحسب كل صيغة عرض عليها، وبتقولك حاجة واحدة عن كل واحدة: بعد العرض ده تقدر تدفع كام على الأوردر وتفضل متعادل. ده الرقم اللي بشتغل بيه في الحسابات اللي بديرها، وده اللي بيفرق بين عرض بيوسّع الحساب وعرض بيقفله.
اختيار السوق بيغيّر العملة وبيحمّل أرقام بداية منطقية فيه. كل خانة تقدر تعدّلها.
ده خط الأساس. أي عرض تحت الرقم ده بياكل من مساحتك الإعلانية بدل ما يزوّدها.
مرتبة بأقصى تكلفة اكتساب تقدر تدفعها بعد العرض. الرقم ده هو المساحة اللي بتشتري بيها عملاء، مش الهامش. دوس على أي صيغة تشوف تفاصيلها والكوبي بتاعها.
باقة التلاتة
تلات قطع بـ2,400 جنيه بدل 3,000 جنيه
كفاءة العرض 1.0× — يعني كل جنيه بتدفعه من هامشك بيوصل للعميل إحساس بقيمة 1.0 ضعف.
أقصى خصم ممكن 43%، والموصى بيه 20%. القطعة بتنزل لـ800 جنيه، وإنت بتدفع شحن وتحصيل مرة واحدة على تلات قطع.
لو 30% بس من الأوردرات أخدت العرض، المساحة المخلوطة بتبقى 544 جنيه بدل 393 جنيه.
ماتحطش أكتر من تلات خيارات في الصفحة. الخيار الرابع بيوقف القرار مش بيزوّد المبيعات.
القطعة بـ800 جنيه بدل 1,000 جنيه.
تلات قطع بـ2,400 جنيه — وفّر 600 جنيه.
أوفر خيار، وبيخلص الأول دايماً.
خد التلاتة
- 01خلي باقة التلاتة هي الخيار المميز بصرياً (إطار + شارة «أوفر»)، وباقة الاتنين جنبها.
- 02اكتب سعر القطعة بعد الخصم تحت كل باقة — المقارنة بتحصل على مستوى القطعة مش الإجمالي.
- 03لو نسبة اللي بياخدوا التلاتة عدّت ٢٥٪، ارفع سعر القطعة الواحدة.
الحاسبة بتقولك العرض يستحمل كام. أنا بقولك يشتغل ولا لأ.
ابعتلي أرقامك ومعاها العرض اللي اخترته، وهرد عليك بالعرض اللي كنت هشغّله على الحساب ده ولو فيه رقم مش منطقي هقولك عليه.
اكتب رقم واتساب صحيحإزاي بحكم على أي عرض.
- 01المبلغ المحصّل = سعر المنتجات في الأوردر، زائد الشحن اللي العميل بيدفعه. ده الرقم اللي بيظهر كإيراد في مدير الإعلانات.
- 02الربح لكل أوردر مستلم = المبلغ المحصّل، ناقص تكلفة البضاعة، ناقص تكلفة العرض نفسه (هدية أو قطعة مجانية أو رصيد)، ناقص الشحن، ناقص رسوم التحصيل.
- 03أقصى تكلفة اكتساب = الربح ده مضروب في نسبة التسليم، ناقص تكلفة الشحن الضايعة على الأوردرات المرفوضة. الأوردر المرفوض مابيرجعش صفر، بيرجع بالسالب.
- 04الـROAS المطلوب = المبلغ المحصّل مقسوم على أقصى تكلفة اكتساب. أي رقم تحته معناه خسارة حتى لو الحساب الإعلاني شكله كويس.
- 05كفاءة العرض = القيمة اللي العميل حاسس إنه كسبها، مقسومة على اللي دفعته إنت فعلاً. الخصم كفاءته واحد لواحد دايماً. الهدية والقطعة المجانية والرصيد كفاءتهم أعلى، والسعر المشطوب كفاءته لا نهائية لأنه مش بيكلفك حاجة.
الأداة بتفترض إن الأوردر المرفوض بيكلفك شحن الذهاب من غير إيراد. لو شركة الشحن بتحاسبك على العودة كمان، ضاعف قيمة الشحن. وبتحسب الأوردر المدفوع مقدماً بنسبة تسليم ٩٧٪ ورسوم بوابة ٢٫٥٪، وهي الأرقام اللي بشوفها في الحسابات اللي بديرها.
أربع غلطات بشوفها في كل حساب تقريباً.
الخصم بيتعلن قبل ما حد يحسبه.
أول حاجة بتتعمل لما المبيعات تقف هي خصم عشرين في المية. الخصم ده بياخد من مساحتك الإعلانية أكتر مما بياخد من سعر المنتج، وفي أغلب الحسابات اللي شفتها كان ينفع يتحول لباقة بنفس التكلفة وبضعف الأثر.
العرض بيتقاس بالهامش مش بتكلفة الأوردر.
جدول الإكسل بيقول الهامش أربعين في المية فالعرض كويس. مدير الإعلانات بيقول تكلفة الأوردر أربعمية وخمسين. الرقمين مالهمش علاقة ببعض غير لما تحسب نسبة التسليم والشحن الضايع، وساعتها بس تعرف العرض ده يستحمل كام.
نسبة التسليم مش داخلة في المعادلة أصلاً.
منتج بنسبة تسليم خمسة وستين في المية مش نفس المنتج بخمسة وثمانين، حتى لو نفس السعر ونفس التكلفة. الفرق ده بيغيّر العرض المناسب من أساسه، ولما يتحسب صح بيطلع إن أفضل عرض لبعض المنتجات هو اللي بيقلل الإلغاء مش اللي بيرفع قيمة الأوردر.
العرض بيفضل شغال بعد ما ينتهي.
العرض اللي مالوش تاريخ نهاية بيتحول لسعر جديد، وبعد شهرين بيبقى صعب ترجع للسعر الأصلي من غير ما المبيعات تقع. أي عرض بتشغّله لازم يكون له نافذة معلنة.
